Loh Bhi Tu Qalam Bhi Tu

Loh Bhi Tu Qalam Bhi Tu

Loh Bhi Tu Qalam Bhi Tu

لوح بھی تو قلم بھی تو تیرا وجود الکتاب
گنبد آ بگینہ رنگ تیرے محیط میں حباب

عالم آب و خاک میں تیرے ظہور سے فروغ
ذرہ ریگ کو دیا تو نے طلوع آفتاب

شوکت سنجروسلیم تیرے جلال کی نمود
فقر جنید و با یزید تیرا جمال بے نقاب

شوق تیرا اگر نہ ہو میری نماز کا امام
میرا قیام بھی حجاب میرا سجود بھی حجاب

تیری نگاہ ناز سے دونوں مراد پا گئے
عقل غیاب و جستجو، عشق حضور و اضطراب

Listen This Poem

Masjid To Bna Di Shab Bhar Men

Khudi Ko Kar Buland Itna - Allama Iqbal Poem

Khudi Ko Kar Buland Itna

خرد مندوں سے کيا پوچھوں کہ ميری ابتدا کيا ہے

کہ ميں اس فکر ميں رہتا ہوں ، ميری انتہا کيا ہے

خودی کو کر بلند اتنا کہ ہر تقدير سے پہلے

خدا بندے سے خود پوچھے ، بتا تيری رضا کيا ہے

مقام گفتگو کيا ہے اگر ميں کيميا گرہوں

يہی سوز نفس ہے ، اور ميری کيميا کيا ہے

نظر آئيں مجھے تقدير کی گہرائياں اس ميں

نہ پوچھ اے ہم نشيں مجھ سے وہ چشم سرمہ سا کيا ہے

اگر ہوتا وہ مجذوب فرنگی اس زمانے ميں

تو اقبال اس کو سمجھاتا مقام کبريا کيا ہے

نواے صبح گاہی نے جگر خوں کر ديا ميرا

خدايا جس خطا کی يہ سزا ہے ، وہ خطا کيا ہے

Read Also: Masjid Tu bana di Shab Bher mein - Full Poem

Read More: Quotes of Allama Iqbal